Burri i Amy Winehouse kërkon 6 milionë funte

Amy Winehouse është tronditur pasi ish-burri i saj, Blake Fielder-Civil, ka kërkuar 6 milionë funte nga këngëtarja.
“Amy ishte duke e realizuar ‘Back To Black’, kur Blake e la atë, dhe pse ai duhet të kërkojë para për faktin se e ka bërë atë të ndjehet keq? Ajo ishte në momentin më të keq kur e realizoi albumin. Blake e la atë për një femër tjetër dhe ajo e zbrazi zemrën dhe shpirtin në këngë”, ka thënë burimi për mediat britanike.

“Kjo është sikur një njeriu i cili shkruan një libër për gruan e tij të vrarë, duhet t’i jep një pjesë të fitimit vrasësit. Ai mendon se ishte pjesë e rëndësishme e suksesit të albumit të saj dhe meriton para për atë që ka bërë me të. Amy është e tmerruar dhe nuk dëshiron të negociojë, por ajo është e lumtur që kërkesat e tij bëhen publike, pasi dëshiron t’ia tregojë fytyrën e vërtetë”, vijon me tej burimi.