Teuta: Blero e ka pranuar mirë lajmin që do të bëhet baba

nga **MrFresh** Sat Oct 10, 2009 12:57 pm

Tashmë dihet që aktorja Teuta Krasniqi dhe këngëtari Blero janë në pritje të foshnjës së tyre të parë, ndërkohë që ata tashmë kanë filluar të bëjnë plane për dasmën dhe të përgatiten për një jetë më ndryshe.
“Mbase e lëmë dasmën gjatë verës që vjen, ashtu siç e kemi bërë plan, edhe pasi të lind bebja, pse jo?! Ndoshta, fillimisht do të bëjmë kurorëzimin, e pastaj të shohim”, citohet aktorja nga gazeta “Korrieri”.

Për më shumë Teuta ka treguar se ka pasur të vështirë të përballet me faktin që do të bëhet nënë, ndërkohë që Blero e ka pranuar më së miri lajmin që do të bëhet baba.

“Blero e ka pritur më së miri faktin se do të bëhej babi. Ndërsa unë në ditët e para kam qenë më ‘out’. Isha e frikësuar, pasi dihet që për një moment të ndryshon krejt jeta, duke ditur se më nuk do të mendosh se jam vetëm unë, por je vetë e dyta. Unë jam njeri që e marr punën me shumë përgjegjësi, e lëre më lindjen e një bebeje që është diçka e shenjtë”, ka shtuar Teuta.