Dafina: Kam krijuar një stil më ndryshe

nga **X-man** Mon Oct 12, 2009 1:20 pm

Në një intervistë për shtojcën “Panorama Plus”, këngëtarja Dafina Zeqiri ka pranuar se ka të dashur, ndërkohë që e pyetur për krahasimin që i bëhet me Gentën, ajo thotë se gjithkush e ka stilin e vet.
“Po, kam të dashur dhe ai është Krenari”, i është përgjigjur Dafina pyetjes në lidhje me thashethemet e shumta për jetën romantike të saj.

Ndërkohë, e pyetur për krahasimet që i bëhet me Genta Ismajlin, dhe nëse me ardhjen e Dafinës në skenë po i rrezikohet karriera Gentës, Daffy është përgjigjur se i mbetet publikut të vendosë se kë e pëlqen më shumë.

“Publiku e zgjedh këngëtaren që i pëlqen më së shumti. A ju pëlqej unë më shumë apo Genta, nuk e di por unë bëj punën time. Kam stilin tim, veshjen time, vallëzimin tim, dhe besoj qe unë e kam krijuar një stil më ndryshe prej të tjerave në Kosovë. Kështu që krejt i kanë stilet e veta”, ka thënë Dafina.