Gjakova, 10 mijë euro ndihmë rajonit të Shkodrës

Gjakova do të ndihmojë me 10 mijë euro rajonin e Shkodrës për të përballur përmbytjet e mëdha.
Kryetari i komunës së Gjakovës, Pal Lekaj ka thënë se situata alarmante e shpallur edhe nga kryeministri shqiptar, Sali Berisha, i detyron të gjithë shqiptarët që të ofrojnë ndihmë për situatën e rëndë në veriun e Shqipërisë.
Kryetari i Gjakovës, Lekaj gjithashtu njoftoi se komuna e tij do të jetë e gatshme të ndihmojë Shqipërinë edhe në forma të tjera.
Lekaj tha se ndihma që po ofron kjo komunë, ndonëse është simbolike do të duhej të ishte shembull për institucionet tjera të Kosovës. /TCH/