Miri godet Klodin: “Më futi duart...”

Në shtëpinë e Big Brother ka shpërthyer një debat i ashpër, i lidhur sërish me homoseksualitetin e Klodit. Debati është paraprirë nga një grindje mes Klodit dhe vlonjatit Miri, madje ky i fundit e ka goditur Klodin.
Banorët e tjerë kanë rrethuar Mirin dhe e kanë pyetur atë më se njëherë: Pse arriti puna deri këtu?
Miri u shpreh: "Unë e kam marrë mënjanë Klodin dhe i kam thënë: ‘Të lutem shumë, mos me provoko, sepse po vë re që më provokon. Nuk më ka dhënë asnjë përgjigje për këtë. Prita të më thoshte që nuk është e vërtetë, por kjo nuk ndodhi.. Më ka futur duart nga poshtë dhe më ka provokuar aq shumë, sa mu desh ta qëlloja...", ka thënë Miri.
Një nga të rinjtë e futur këtë javë i ka hedhur benzinë zjarrit duke i thënë Mirit se ai vetë është ulur në krevatin e Klodit.
Përgjigja e Mirit ishte: "U ula normal, por ai me futi duart...".
Disa nga banorët kanë mbajtur anën e Mirit. Sipas tyre, Klodi e përdor homoseksualitetin e tij sa herë është në nominim dhe po viktimizohet për të fituar pikë.
Klodi nuk ishte i pranishëm gjatë këtij debati mes Mirit dhe të tjerëve në shtëpinë e BB3. Ai qau kur e qëlluan dhe më pas qëndroi veçmas.