EULEX-i merr përsipër dy hetimet për Mitrovicën

Mitrovicë, 14 korrik – Hetimi i shpërthimit të bombës që ka lënë të vrarë Mesud Xhekoviqin, si dhe hetimi për sulmin e armatosur dhe plagosjen e deputetit të Kuvendit të Kosovës, Petar Miletiqin, tanimë është në kompetencë të EULEX-it, raporton KiM Radio nga Çagllavica.
Zëdhënësi i policisë rajonale në Mitrovicë, Besim Hoti, i ka thënë këtij radiostacioni se hetimi në lidhje me këto dy raste tashmë ka kaluar në nivel më të lartë.
“Dje kemi marrë urdhëresën nga prokuroria se të dy rastet kalojnë në kompetencë të policisë së EULEX-it dhe Drejtorisë së krimit të organizuar në Prishtinë”, ka thënë Hoti.