Tuna: Kishim shumë mospajtime

Këngëtarja nga Maqedonia, Altuna Sejdiu- Tuna, kohë më parë i dha fund martesës së saj njëvjeçare me Rilind Rekën, ndërsa për të mohuar thashethemet rreth ndarjes së saj, ajo ka pranuar të flasë haptas për shkurorëzimin.
“Ne të dy kishim një jetë shumë dinamike. Kishim shumë mospajtime dhe para se të mbarojë dhe luga e fundit e mjaltit vendosa që mos të viktimizohem më shumë. Jemi ulur dhe kemi vendosur që të ndahemi për të mirën e të dyve... Vendimin e kemi marrë që të pasojë diçka më e bukur. Jam spontane në këtë aspekt, mbahem ashtu siç di, pasi jeta më ka mësuar të ecë me kokën lart”, ka thënë Tuna në një intervistë për Panorama Plus.

Ajo ka thënë se aktualisht ka një vakum mes saj dhe ish-bashkëshortit, por duke u bazuar në thënien “koha është ilaçi më i mirë”, Tuna shpreson që në të ardhmen do ketë një klimë pozitive dhe për shoqëri mes tyre, “siç ndodh te të gjitha çiftet moderne dhe të divorcuara”.