Lori: “Për ty” nuk ka lidhje me jetën private

Lori ka lansuar së fundmi albumin e saj më të ri “Për ty”, ndërsa përkundër të gjitha polemikave mbi tematikën dhe për atë se kujt vallë mund t’ia dedikonte albumin bukuroshja, ajo ka hedhur poshtë një lidhje të mundshme të “Për ty” me jetën e saj.
“Gjatë kësaj jave lansova albumin tim më të ri të quajtur ‘Për ty’ me 10 këngë të mrekullueshme. Deri më tani jam e kënaqur me këtë album sepse kam arritur të marr shumë kritika pozitive. Uroj që edhe më tej të pëlqehet ky album”.

“Më besoni, ky titull nuk ka fare të bëjë me jetën time private. Tekstin e këngës ‘Për ty’ e ka shkruar Florid he mund të jetë e mundshme që ndoshta ai t’ia ketë kushtuar dikujt. Mua më ka pëlqyer ai tekst andaj edhe pranova që këtë këngë ta kem në album dhe mes tjerash ta titulloj kështu albumin”, ka thënë Lori për Zëri.