Ermali lanson album “live”

Ermal Fejzullahu ka nxjerrë në treg një album të kënduar ‘live’, ndërsa aktualisht është duke punuar edhe për një tjetër krijim të ri muzikor.
“Këtë verë kam lansuar në treg një album të ri të zhanrit ‘live’. Në këtë album kam përfshirë këngët e mija të përgatitura në mënyrë direkte por edhe disa këngë të popullarizuara”, ka thënë Ermali teksa bën me dije për këngën e tij më të re.

“Jam duke përgatitur këngën më të re, tekstin dhe muzikën e së cilës ia kam besuar tekst-shkruesit dhe kompozitorit Ilir Berani. Tani për tani nuk mundem të rrëfej më shumë detaje për këngën pasi që ajo ende nuk është e gatshme, por do të punoj me përkushtim më të madh në mënyrë që gjithçka të shkojë mbarë”, ka thënë Ermali.

Ermali së fundi ishte aktual me këngën “Unë e di”, një bashkëpunim me këngëtaren Nora Istrefi.