Arioni harron Anjezën dhe flirton me të tjera

Ka qenë një nga daljet më të paparashikueshme ajo e Arionit, djalit bukurosh i cili gjatë 80 ditëve brenda shtëpisë së “Big Brother”, tregoi se ka djem që janë po aq të zgjuar sa edhe të bukur. Ndër të tjera Arioni do të mbahet mend edhe si një nga djemtë që është gjuajtur më shumë nga vajzat. Me Anjezën, djali 24 vjeçar nga Vlora, pati edhe një lidhje, kjo falë edhe kushteve që krijohen duke ndenjur 24 orë i mbyllur, ku lidhje të kësaj natyre normalisht që bëhen të pashmangshme. Ndërkohë nuk e dimë se si do shkojë lidhja mes Arionit dhe Anjezës kur kjo e fundit të dalë nga shtëpia e “Big Brother”.
Në një intervistë pak javë më parë, Frensis, motra e Arionit tregonte se Arioni ka një të dashur jashtë dhe sipas rrëfimit të saj, nuk bëhej fjalë për Roselën, të dashurën italiane për të cilën kemi folur edhe ne në faqet e “Panorama Plus”. Pra përbën me të vërtetë kuriozitet se çfarë do të ndodhë tani që Arjoni doli nga shtëpia dhe aq më tepër kurioziteti do shtohet në momentinqë Anjeza do të dalë prej andej. Nga deklarimet e Arionit nuk mund të kuptohet asgjë pasi ai me inteligjencën që e karakterizon, di të jetë shumë diplomat në përgjigje, duke lënë shumë mundësi për interpretime.
Pikërisht për këtë arsye, jeta e Arionit jashtë, tani do të ndiqet nga paparacët dhe gazetarët me të njëjtin interes
me të cilën ai u ndoq nga shikuesit për aq kohë sa qëndroibrenda shtëpisë së “Big Brother”, për të mësuar më shumë se çfarë do të bëjë ai me jetën e tij private. Kjo ka qenë arsyeja, që sapo doli nga shtëpia e “Big Brother”, ështe të ndjekur këmba këmbës nga paparaci ynë.


Djali bukurosh është rrethuar menjëherë nga vajzat, disa të panjohura për ne e të tjera, fytyra tashmë pubike, si pjesëmarrëse në programin “Big Brother”. Zhuljeta dhe Mesida kanë qenë të parat që janë çmallur me të, ndërkohë
janë edhe disa vajza të tjera me të cilat është fotografuar Arioni. Tani ne e kemi pak të vështirë të kuptojmë se cila prej tyre mund të jetë vajza që i ka rrëmbyer zemrën atij, meqë vetë ai ka deklaruar në bisedat brenda shtëpisë se pak kohë më parë ka arritur të provojë emocione të forta nga një njohje që ka patur. Me siguri në numrat e ardhshëm do të arrijmë të mësojmë diçka më konkrete rreth jetës së Arionit, pasi dihet që fansat e tij tëcilët janë të shumtë, kërkojnë
të mësojnë më shumë për të.