Victoria Beckham do të zhvendoset në Milano?

Bashkëshortja e futbollistit të njohur, David Beckham, dhe ish-anëtarja e bendit Spice Girls, Victoria, duket se do të zhvendoset në Itali këtë verë.
Victoria, e cila tash jetën në Los Angeles me tre djemtë e saj, ndërsa David jeton në Itali ku luan për ekipin e Milanit, ka vendosur se ajo nuk mund të qëndrojë më larg nga burri dhe dëshiron që ata të jetojnë nën të njëjtën çati.

“Victoria e do Amerikën, por të gjitha ato fluturime po i kushtojnë, dhe të qenit larg nga David ka qenë shumë vështirë për të dy. Ajo i do miqtë e saj dhe jetën në Los Angeles, por kjo nuk e mbulon faktin se ajo është aq larg nga burri i saj”, thotë burimi.

“Ajo në fillim e kishte urryer idenë e të zhvendosurit në Milano, por tash është e ngazëllyer. Plus ajo nuk dëshiron që David të jetë aq gjatë i vetmuar dhe larg nga fëmijët e tyre”, ka shtuar burimi.