Twitter sjellë llogaritë e vërtetuara

Për t’i hequr qafe personat të cilët në Twitter paraqiten rrejshëm si persona të famshëm, ekipi i cili qëndron prapa këtij shërbimi të mikro-blogjeve dhe rrjeti të shoqërimit ka paralajmëruar se do të fillojë të sjellë të ashtuquajturit “llogari të vërtetuara.
Drejtori kreativ i Twitter, Biz Stone, ka deklaruar gjatë fundjavës në blogun zyrtar të shërbimit se këtë verë do të fillojnë me testimin e “Verified Accounts”, opsionit me të cilin do të vërtetohej identiteti i personave të famshëm të cilët përdorin Twitterin.

Pas vërtetimit, llogaritë e tilla legjitime do të bëheshin me shenjën “Verified Account”, me të cilën gjë përdoruesve tjerë do t’u bëhej e qartë se me të vërtetë bëhet fjalë për personin në fjalë.

Opsioni “Verified Accounts” është i dedikuar për personat e njohur si zyrtarë publik, këngëtarë, sportistë dhe të ngjashëm të cilëve dashakeqët shpesh ua vjedhin identitetin në internet.