Vdes Mbreti i Muzikës Pop Michael Jackson

Los Angeles, 25 qershor - Mbreti i Muzikës Pop, Michael Jackson ka vdekur në moshën 50 vjeçare, kanë njoftuar mediat amerikane.

Sipas CNN, Jackson ka pësuar ‘cardiac arrest’, që nuk është sulm zemër, por nënkupton ndaljen e zemrës, që shkakton gjendje kome.

Brian Oxman, një përfaqësues ligjor i familjes Jackson, ka pohuar që vëllai i Michael Jackson, Randy, i ka treguar se Michael ka kollapsuar në shtëpinë e tij në perëndim të Los Angeles, California, në mëngjesin e së enjtes, sipas orës lokale.