Elvana: Dashuria është jetë

Në një intervistë për shtojcën "Summer Pages", këngëtarja Elvana Gjata ka refuzuar të flasë për të dashurin e saj porse ka lënë të kuptohet se ndihet shumë mirë në lidhjen e saj.
“Kam nevojë që edhe unë të kem jetën time private, por mund të them që ndihem shumë mirë”, është shprehur këngëtarja duke shtuar se dashuria është jetë dhe se investon shumë për të.

Elvana së fundmi është prezantuar me një këngë ndryshe nga stili i saj i mëparshëm- “Hitech”.

“Në fakt, ‘Hitech’ përfaqëson stilin e muzikës që bëj, por muzika evoluon nga dita në ditë dhe krijon përshtypjen e një stili të ri. Më pëlqen që të vij gjithmonë ndryshe duke ndryshuar imazhin tim gjithmonë me profesionalizëm”, shton Elvana.