Arrin në 5 numri i viktimave në lumin Tisa

nga **Nasip** Wed Oct 28, 2009 7:50 am

Arrin në pesë numri i viktimave të mbytura në lumin Tisa. Policia e Serbisë, siç bën të ditur e përditshmja Koha Ditore, ka gjetur të martën edhe dy kufoma që dyshohet të jenë të kosovarëve të mbytur si pasojë e përmbysjes së një varke, me të cilën dyshohet se 19 persona po kalonin ilegalisht nga Serbia përmes lumit Tisa për në Hungari.
Burime të kësaj gazete kanë bërë të ditur se një kufomë e një vajze rreth 10-vjeçare është gjetur të martën rreth orës 14:00 afër vendit të quajtur Adorjana, rreth 5 km larg Kanjizhës, ku janë gjetur edhe dy kufoma të tjera.

Ndërkaq, rreth orës 17:00, afër vendit ku është mbytur varka, është gjetur trupi i një të riu të moshës 20-30 vjeçare.

Gjykatësi hetues i Serbisë, Erne Berenji, ia ka konfirmuar gazetës gjetjen e këtyre dy kufomave. Ai ka thënë se të viktimat nuk janë gjetur dokumente për t’u identifikuar. Dy trupat e pajetë janë dërguar në morg për obduksion.

Policia serbe dyshon se bëhet fjalë për 4 femra, 5 meshkuj dhe të tjerët fëmijë që janë mbytur në lumë. /