Janë ndërprerë kërkimet për kufomat në lumin Tisa

Policia hungareze ka ndërprerë kërkimet në anën e saj të kufirit, pasi që ka thënë se tashmë është kontrolluar tërë territori dhe nuk ka gjasa të gjenden trupa të tjerë.
Bilanci i deritashëm, sipas policisë hungareze, është 3 të vdekur, 3 të mbijetuar dhe dyshohet për 12 të humbur.

Zëdhënësi i policisë hungareze, Szabolcz Szenti, i ka thënë KTV-së se në bashkëpunim me policinë serbe po hetojnë për trafikim me qenie njerëzore, mirëpo në këtë moment nuk kanë asnjë të dyshuar.

Për shkak të specifikave të rastit, ai nuk ka bërë të ditur emrat e viktimave, por ka konfirmuar se ata janë kosovarë.

Institucionet kosovare i hedhin njëra-tjetrës përgjegjësinë përderisa ende nuk kanë informacione të sakta për këtë ngjarje. /ktv/