Shkupi zyrtar mohon lajmin për hapjen e ambasadës në Prishtinë

Ministria e Jashtme e Maqedonisë ka mohuar lajmin në media se Qeveria e Maqedonisë javën tjetër do të hapë ambasadën e saj në Prishtinë.
Nga MPJ thonë se Qeveria e Maqedonisë akoma nuk ka sjellë vendim për hapjen e ambasadës në Prishtinë dhe se akoma nuk është saktësuar se ku do të ndodhë ky akt.

Ndërkaq, nga kjo ministri e ka konfirmuar vizitën e shefit të diplomacisë kosovare, Skënder Hysenit ditën e premte në Maqedoni. /INA/