Prezantuesja e emisionit "Njerëz të humbur", 'humbet' bashkëshortin

Prezantuesja e njohur e programit televiziv "Njerëz të humbur", Aida Shtino, ka kërkuar ndarjen nga bashkëshorti i saj, Albano Ahmeti.
Një javë më parë në gjykatën e Tiranës, Shtino ka dërguar kërkesën për t'u divorcuar nëpërmjet avokatit të saj.

Burime nga organi gjykues bëjnë të ditur se Objekti i padisë ngritur nga Shtino është: "Zgjidhje martese pa përcaktuar fajësinë. Ushtrimi i përgjegjësisë prindërore për fëmijën Brendon Ahmeti. Caktimi i mënyrës së takimit të tij me palën e paditur, si dhe caktimi i detyrimit si kontribut për ushqim".

Nuk dihen ende qartë arsyeja pse Aida ka arritur deri te kërkesa e divorcit, por mësohet se kohët e fundit, marrëdhënia e saj me bashkëshortin nuk ka shkuar më si duhej, në fakt, sipas burimeve, kontradiktat kanë filluar që para dy vjetësh.