Dhurata Lipovica i dha fund beqarisë

Dhurata Lipovica, e cila kishte marrë pjesë në Ford SuperModel of the World, pritet të fejohet gjatë këtij muaji.
Dhurata pritet që të fejohet gjatë këtij muaji”, ka thënë një burim.Data e fejesës së bukuroshes është përcaktuar të jetë ajo 20 dhjetor,derisa një lajm i tillë është konfirmuar nga një burim i afërt më modelen.
Dhurata bashkë me modelen Shkurta Ajeti kishin përfaqësuar Kosovën në Ford Supermodel of the World, e cila qe mbajtur në New York në vitin 2007.
Ndërkaq, tani pasi ka realizuar shumicën e ëndrrave të saj, ajo pritet të fejohet me aktorin Fisnik Ademi, i cili më parë kishte luajtur një ndër rolet kryesore në serialin e KTV-së, “Tre gjermanët e trashë”.
Ndryshe, Dhurata në disa intervista të saj ka thënë se prioritete të saj janë familja e studimet. Në intervista ajo gjithmonë e kishte vlerësuar lart Kosovën.
Pas inkuadrimit të saj në skenën e modës kosovare, ajo nuk kishte pasur shumë kohë për familje, përderisa pasi ishte kthyer nga New Yorku, kishte marrë pjesë në disa sfilita mode në Prishtinë.
“Modelet duhet të jenë ato që duhet t’u tregojnë stilistëve çfarë të bëjnë. Ne kemi nevojë për mësues – kemi shumë potencial me modele, por nuk kemi shumë përvojë. Në Prishtinë nuk ka revista të vërteta mode, nuk ka modelë meshkuj”, kishte thënë ajo në një intervistë të vitit 2007, të cilën ende mund ta gjeni në internet.
Që nga ajo kohë bukuroshja kosovare kishte bërë shumë fotografi në bikini, një gjë e rrallë që është parë te modelet në Kosovë, përderisa për të kishte pasur thashetheme se ka qenë në lidhje me disa djem kosovarë.
Por, të gjitha ato tani “bien” poshtë kur ajo ka zgjedhur të lidhë jetën e saj me aktorin kosovar.
Dhurata, edhe pse ishte shumë e zënë, nuk kishte lënë pas as studimet në Universitetin Amerikan të Kosovës, ku studion menaxhim biznesi.
Madje ajo kishte thënë se shkolla i ka dhënë asaj aftësi të mjaftueshme për të menaxhuar punën e vet.
Kjo përvojë i ka ndihmuar për një kohë të ngritë firmën e vet të quajtur “Tram”, e cila u ndihmon modeleve kosovare për të bërë karrierë në Kosovë dhe jashtë saj.