Van Persie do shkëlqejë në fund

Bert van Marwijk u shpreh mjaft optimist për paraqitjen e sulmuesit Robin van Persie në finalen kundër Spanjës. Trajneri holandez tha se Van Persie ka ruajtur më të mirën për në fund, ku edhe do të shkëlqejë.

Sipas Van Marwijk, nuk ka asnjë arsye për të vënë në dyshim cilësitë e sulmuesit, pasi forma e tij ka ardhur në përmirësim e sipër gjatë ndeshjeve të Botërorit 2010.

Van Persie ka shënuar vetëm një herë në kampionat, por strategu i “Portokallinjve” vijoi vlerësimin duke thënë, “Kam ende besim të plotë dhe jam optimist se në ndeshjen e fundit të Kupës së Botës do të shfaqë lojën e tij të përkryer”.