HP dhe Microsoft investojnë së bashku 250 milionë dollarë

Hewlett-Packard dhe Microsoft kanë paralajmëruar ditë më parë se kanë arritur një marrëveshje për investime të përbashkëta në vlerë prej 250 milionë dollarësh për tri vitet e ardhshme për të gjetur mënyra të thjeshtëzimit të zgjidhjeve informatike. Këtu përfshihen hardveri, softveri dhe shërbimet profesionale dhe rrethinat të cilat shfrytëzohen në sektorin e informatikës, dhe të cilat mbështeten tek njëra-tjetra. Bëhet fjalë për një partneritet shumë të gjerë që përfshin edhe mënyrën e distribuimit të aplikacioneve, strukturën hardverike dhe mënyrat e afarizmit. Qëllimi është të prezentohet platforma kompjuterike e gjeneratës së ardhshme e cila do të bazohej në cloud computing.
HP dhe Microsoft kanë për qëllim të ulin shpenzimet e shfrytëzimit të infrastrukturës informatike në organizata duke përmirësuar në të njëjtën kohë performansat, besueshmërinë dhe disponueshmërinë e aplikacioneve. Në këtë projekt janë përfshirë produkte të ndryshme të këtyre dy kompanive dhe atë prej HP Converged Infrastructure e cila është optimizuar për Exchange 2010 dhe përmbledhje a zgjidhjeve nga HP - Insight Software and Business Technology Optimization, që do të duhej të përputhej edhe më mirë me zgjidhjet e Microsoft System Center.
Në anën tjetër Microsofti është zotuar të shfrytëzojë hardverin e HP-së për zhvillimin e platformës së vet Azure (cloud computing), dhe në fund si rezultat i tërë kësaj do të ishte ndikimi apo nxitja e shfrytëzuesve të fundmë që të fillojnë ta përqafojnë dhe implementojnë Azure-n në sektorët e tyre informatikë.

spe kutoj qita hiq