15 të vdekur në Gjermani nga një adoleshent

Një adoleshent i armatosur ka hyrë në një shkollë të mesme në Gjermani duke vrarë të paktën 15 vetë para se të vritej nga policia.
Policia dhe autoritetet thanë se personi i armatosur, i njohur si Tim Kretschmer, i veshur me veshje luftarake në ngjyrë të zezë hapi zjarr pa dallim në shkollën e tij të vjetër në jugperëndim të Winnenden.

Ai vrau tre mësues dhe të paktën dhjetë studentë para se të shkonte me makinë në qytetin pranë të Wendlingen, ku ai u kap në parkingun e një supermarketi.

Njoftimet thonë se të paktën dy kalimtarë u vranë gjithashtu ndërsa ai qëlloi mbi policinë.

Media vendase njoftoi se policia kishte bastisur shtëpinë e të riut dhe kishte gjetur 16 armë.

Babai i adoleshentit, që mendohet se është një biznesmen i njohur në zonë, thuhet se ishte anëtar i një klubi qitjeje.

Më herët një prej gazetarëve të gazetës Stuttgart Journal, Kevin Latzel, i tha BBC se kishte shumë konfuzion në shkollë.

"Është e tmerrshme ...prindërit po qajnë dhe shumë policë janë atje."

Ka patur një seri incidentesh të tilla në Gjermani në vitet e fundit.

Më e rënda ndodhi në qytetin lindor të Erfurt-it në 2002, kur shtatëmbëdhjetë vetë humbën jetën.

BBC-Shqip