Puyol beson se Fabregas do të kalojë në Barcelonë

Barcelonë, 19 korrik - Kapiteni i Barcelonës, Carles Puyol, beson se mesfushori i Arsenalit, Cesc Fabregas, do të transferohet në "Camp Nou" një ditë, edhe nëse Barçës i duhet të presë edhe një vit për të realizuar këtë marrëveshje. Këtë e ka thënë Puyol në një intervistë për "Daily Star". "Cesc është një djalosh shumë i mirë dhe i vendosur që të bëhet lojtar i Barcelonës. Por, ai nuk është tip lojtari që mundohet të përdorë mediat për të realizuar transferimin që dëshiron", ka thënë Puyol.