Ronaldinho mund të mbetet në Milan tërë jetën

Milano, 24 korrik - Vëllai dhe agjenti i Ronaldinhos, Roberto de Assis, ka thënë se mesfushori brazilian mund të nënshkruajë me Milanin deri në fund të karrierës, njofton të premten "goal.com". Ditë më parë, edhe presidenti i Milanit, Silvio Berlusconi, ka thënë se Ronaldinho do të jetë aty për tërë jetën. "Ronaldinho është lojtar i Milanit dhe ka kontratë me të. Nëse ndonjë klub interesohet për Ronaldinhon, ata duhet të bisedojnë me Milanin dhe jo me mua", ka thënë agjenti Roberto de Assis.