Për dy ditë, mbi 3.2 milionë SMS falas nga IPKO

Prishtinë, 26 korrik - Telefonia mobile IPKO i është bashkëngjitur gëzimit dhe festës së qytetarëve të Kosovës, pas vlerësimit që vendi ynë ka marrë në Gjykatën Ndërkombëtare të Drejtësisë, ndërsa ka ofruar pa kufi SMS falas për dy ditë rresht, për të gjithë konsumatorët e telefonisë mobile.
Për më pak se dy ditë, konsumatorët individualë dhe ata të bizneseve kanë dërguar saktësisht 3 milionë e 273 mijë e 850 SMS brenda rrjetit dhe në të gjitha rrjetet e telefonive mobile në Kosovë (gjatë intervalit kohor 06:00 – 18:00), kurse për dërgimin e këtyre porosive ata nuk janë ngarkuar me asnjë cent nga IPKO.
Gjatë gjithë kohës, rrjeti i telefonisë mobile IPKO ka qenë stabil dhe i pandërprerë për thirrje, SMS dhe shërbimet tjera të ofruara për konsumatorët individualë dhe ata të bizneseve.
Përveç çmimeve më të volitshme për komunikim brenda dhe jashtë vendit, konsumatorët e IPKO-s kanë pasur mundësinë që të dërgojnë SMS falas nga çdo kënd i vendit, pasi që IPKO posedon rrjetin mobil i cili mbulon me sinjal të telefonisë mobile 99.7 për qind të popullsisë, përkatësisht 98.5 për qind të territorit të Republikës së Kosovës.