Vajzë apo djalë? Gjinia e bebit surprizë për Ramushin

S\’ka qene kohë e lehtë për nita Haradinajn. Që kur bashkëshorti i saj dhe ish-kryeministri i Kosovës shkoi në Hagë për t’iu përgjigjur thirrjes së Gjykatës Ndërkombëtare për Krime në Ish-Jugosllavi dhe mbeti atje, asaj i është dashur shpesh t’u shpjegojë fëmijëve të saj, Gjinit dhe Hanës, se pse babai i tyre nuk do të ishte gjatë në shtëpi.
Djali 6-vjeçar dhe vajza 4-vjeçare janë tashmë në pritje të një vëllai a motre që do të lindë vetëm në pak javë.
Nuk mund ta them nëse është djalë apo vajzë, dua që të jetë një befasi për Ramushin që do të vijë në shtëpi më 17 dhjetor”, rrëfen Anita, e ngazëllyer nga lajmi për lirimin e përkohshëm të tij.
Lideri i Alencës për Ardhmërinë e Kosovës, ish-komandanti i Ushtrisë Çlirimtare të Kosovës dhe ish-shef i qeverisë së Kosovës, ai do të qëndrojë për nëj muaj në Prishtinë, ndërsa nuk do ta ketë të mundur të marrë pjesë në aktivitete politike dhe të flasë për median, edhe pse momenti është tepër domethënës. Kosova është në prag të zgjedhjeve të jashtëzakonshme të saj, të planifikuara për më 12 dhjetor.
Në një intervistë ekskluzive për “Gazetën Shqiptare”, bashkëshortja e tij tregon për të gjitha vështirësitë gjatë muajve të kaluar në largësi, mallin e fëmijëve dhe pritjen për bebin që do të vijë në jetë vetëm pas pak. (Bluetooth)