Emrat e disa prej ministrave të rinj

Kanë mbetur tri ditë deri tek mbajtja e seancës së parë të Kuvendit të ri, ndërsa zyrtarisht ende nuk është nënshkruar marrëveshja e koalicionit ndërmjet PDK-së dhe partive tjera. Në vazhdën e diskutimeve të fundit, po përzgjidhen edhe emrat e mundshëm që do të udhëheqin dikasteret ministrore në qeverinë e re.

Portali Indeksonline ka mësuar disa prej emrave të ministrave të rinj. Hajredin Kuçi nuk do të jetë më zëvendësi i Kryeministrit Thaçi, por ministër i Drejtësisë. Vendin e tij mund ta zë, ministri aktual i Arsimit, Enver Hoxhaj. Fatmir Limaj duket se nuk do të udhëheq me transportet dhe as që do të jetë në qeverinë e re. Njeriu i Ministrisë së Transporteve do të jetë Memli Krasniqi, zëdhënësi aktual i Qeverisë së Kosovës. Vlora Çitaku në Ministrinë për Integrime Evropian. Mimoza Kusari Lila në Ministrinë e Jashtme. Bajram Rexhepi, ministër i Punëve të Brendshme. Këshilltari i Thaçit, Bekim Çollaku në Ministrinë e Arsimit. Serbët do të udhëheqin me Ministrinë e Pushtetit Lokal.

Merret vesh se mandatari për formimin e qeverisë së re, Hashim Thaçi tashmë ka zhvilluar disa takime me ministrat e rinj të mundshëm.