Interi rimerr pozitën e dytë

Kampioni i Italisë në fuqi, Inter, ka regjistruar fitore prej 2-0 kundër Chievos, në takimin e parë të javës së 32-të të Serie A që u zhvillua në Giuseppe Meazza.
Goli i parë erdhi kur Lucio pasoi te Maicon, braziliani krosoi në drejtim të Esteban Cambiassos, i cili me vole kaloi vendasit në epërsi (66’).

Pas asistimit në golin e barë, mbrojtësi i djathtë i zikaltërve vulosi takimin duke shënuar golin e dytë për Nerazzurrët (84’).

Tre pikët e reja e ngrenë Interin në pozitën e dytë në tabelë, me dy pikë prapa liderit Milan dhe një më shumë se Napoli që mban vendin e tretë.

Por, Rossonerët zhvillojnë të dielën ndeshjen e javës së 32-të si mysafirë të Fiorentinas, kurse napolitanët do të udhëtojnë në Bologna.