Evakuohen edhe katër shtetas kosovarë nga Jemeni

Një familje katër anëtarëshe është evakuuar nga Jemeni, pas përkeqësimit të situatës së sigurisë në këtë shtet.
Me ndihmën e Ambasadës së Republikës së Kosovës në Turqi dhe pas kontaktit të vazhdueshëm me këtë familje është bërë i mundur evakuimi i tyre, ndërsa të dielën ata kanë arritur në Aeroportin Ndërkombëtar të Prishtinës- bëjnë të ditur nga Ministra e Punëve të Jashtme.

Me 25 mars MPJ ka larguar nga Jemeni rreth 16 studentë, shtetas kosovarë, pas shpërthimit të demonstratave të dhunshme në këtë shtet. Ndërkohë, MPJ ka kërkuar nga të gjithë shtetasit kosovarë që të mos udhëtojnë për në Jemen, përderisa ata që gjenden atje të largohen nga zonat e rrezikut, derisa gjendja e sigurisë në këtë shtet të përmirësohet.