Manu Chao ndez publikun kosovar

Manu Chao ka ndezur skenën e Pallatit të Rinisë në Prishtinë ku ka bërë një performancë të shkëlqyeshme për publikun kosovar.
Siç edhe ishte paralajmëruar, këngëtari francezo-spanjoll vizitoi kryeqytetin kosovar të dielën mbrëma, për të kënduar në një koncert si pjesë e turneut të tij ballkanik “La Ventura”.

Në sallën ku mbahej koncerti kishte mbi një mijë fansa të këngëtarit, përfshirë edhe një më të veçantë, ambasadorin amerikan në Kosovë, Christofer Dell.

Manu Chao këndoi disa prej hiteve të tij më të dëgjuara si “Me gustas tu”, “Klandestino”, “Mi Vida”, “Libertad”, “Panik Panik”. Dhe nuk ishin vetëm ritmet e muzikës së tij të veçantë që ndezën publikun, por më shumë ishte edhe performanca e tij energjike.

Manu Chao nesër do të qëndrojë edhe në Tiranë për një koncert të ngjashëm.