Rikthehet fenomeni?

Sulmuesi legjendar brazilian, Ronaldo, mund të bëjë një rikthim shokues në futboll me ish-klubin e tij Corinthians, që me anë të presidentit Andres Sanchez e ka bërë të ditur lajmin për interesimin ndaj ‘fenomenit’.
“Ronaldo do të luajë përsëri. Nuk e di nëse ai do të luajë tri, katër, apo pesë ndeshje, por ai do të rikthehet”, theksoi Andres Sanchez.

Ronaldo pritet që në ditët në vijim të nënshkruajë një kontratë të re me Corinthians që do ta mbajë atë të lidhur me klubin deri në mes të vitit 2012.

Madje sulmuesin legjendar mund ta shohim shumë shpejtë të rikthyer, pasi një kompani u ka ofruar nga dy milionë euro Interit dhe Barcelonës për dy ndeshje miqësore, të cilat do të zhvillohen më 25 maj dhe 2 qershor.