Sfida e re e Kështjellës, filmi

"Miss Kosova Univers 2010", Kështjella Pepshi, përveç modës dhe evenimenteve të bukurisë thotë se në ardhmen e sheh veten edhe si aktore.
Gjatë një interviste për Telegrafi ajo ka pohuar se së shpejti do të jetë pjesë e një dokumentari francez.

“Edhe ky talent më ka provokuar, por kam shumë angazhime dhe nuk po arrij të shpërndahem gjithandej. Pikësëpari, do të luaj në një film dokumentar francez”, ka pohuar Pepshi.

E pyetur se çfarë do të dëshironte të ndryshonte tek vetja, Kështjella pa modesti ka pohuar se është e kënaqur me pamjen e saj.

“Ndihem mirë me pamjen time dhe nuk do doja të ndryshoja asgjë, thjesht shpresoj që mos të kem asnjëherë probleme me mbipeshën”, ka thënë Kështjella Pepshi.