Barrikadat sollën deri te marrëveshja?

Drejtori i Qendrës për politikë të re në Beograd, Vladimir Todoric, ka vlerësuar se marrëveshja e arritur mes Kosovës dhe Serbisë në Bruksel, është maksimumi që ka mundur të ndodhë në këtë moment.
Sipas tij, këtë marrëveshje e kanë mundësuar barrikadat të cilat i kanë vënë serbët në veri të Kosovës, dhe se tani është koha që të bisedohet për largimin e tyre.

Todoric ka thënë për Tanjug se nuk do të kishte ardhur deri te kjo marrëveshje po të mos ishin barrikadat, sepse, sipas tij, ka ekzistuar një synim i qartë që marrëveshja e 2 shtatorit rreth vulave doganore të interpretohet edhe si marrëveshje rreth pikëkalimeve kufitare.

“Barrikadat kanë qenë të menduara dhe kanë pasur për qëllim arritjen e një marrëveshje të këtillë. Tash ekzistojnë arsye të mjaftueshme që të bisedohet në linjën Beograd – serbë të Kosovës, për largimin e tyre”, ka thënë Todorovic.