Fergie humb 8 kilogramë për turne

Fergie ishte aq e vendosur për t’u rikthyer në formë për turneun e saj me grupin Black Eyed Peas, sa ka hequr rreth 8 kilogramë.
Grupi ka performuar në një numër koncertesh në Evropë gjatë muajve të kaluar dhe do të marrë rrugën sërish për turneun në Amerikë që fillon nga muaji gusht dhe zgjat deri në tetor.

Liderja e grupit, Fergie, i është përmbajtur një diete të ashpër për t’u përgatitur për paraqitjet energjetike, duke humbur 7.7 kilogramë nga pesha e saj.

“Kam humbur 7.7 kilogramë për t’u përgatitur për turneun tonë të ri. Nuk ka mënyrë të lehtë për të humbur peshën. Duhet të punosh më shumë dhe të hash më pak. Për momentin po pi ‘ujë dobësues’. Me një emër të tillë do të duhej të ishte i mirë, apo? Josh dhe unë që të dy jemi stërvitur së bashku”, ka thënë këngëtarja.