Memli: Lindja e vajzës më ka ndryshuar jetën

Këngëtari i dikurshëm i rep-grupit “Ritmi i rrugës”, aktualisht zëdhënës i Qeverisë së Kosovës, Memli Krasniqi, thotë se është privilegj të jesh prind, dhe pikërisht lindja e vajzës së tij Bora, ka qenë momenti kthyes në jetën e tij.
“Lindja e vajzës më ka ndryshuar jetën dhe më ka bërë njeri tjetër. Tash edhe parimet kanë renditje tjetër”, ka thënë Memli për “Infopress”.

Ai thotë se ndihet fajtor për kohën që nuk arrin t’ia kushtojë vajzës së tij.

“Politika është e tillë që nuk të lë hapësirë të mjaftueshme për të arritur të gjitha. Shpesh ndodh që të punojmë me orare të zgjatura dhe kjo reflekton edhe në mungesat në familje. Por i jam falënderues Melizës (gruaja) që ka rolin e dyfishtë në rritjen e Borës”, shton Memli.