Të dielën finalja e "Top Fest 6"

Të dielën më 10 maj në Pallatin e Sporteve “Asllan Rusi“ në Tiranë, do të zhvillohet nata finale e edicionit të gjashtë të festivalit te muzikës moderne shqiptare "Top Fest".
Gjatë tetë javëve konkurruese, 269 grupe dhe këngëtarë morën pjesë në këtë edicion, ku 63 prej tyre janë kandiduar në 11 kategori për çmime si: "Artisti i ri më i mirë", "Artisti më i mirë mashkull/femër", "Kënga më e mirë hip-hop", "Kënga më e mirë R&B", "Kënga më e mirë pop dhe rock", "Interpretuesi më i mirë", "Videoja më e mirë", "Kënga më e mirë alternative", "Grupi më i mirë" dhe "Kënga më e mirë dance".

Çmime të veçanta do të jenë edhe ato të dhëna nga DigitAlb e Top Albania Radio, ndërsa publiku do të vendosë për çmimin e internetit, por edhe nëpërmjet sms-ve për çmimin e madh prej dhjetë mije eurosh ku votat e publikut do të bashkohen me vlerësimin e një jurie prestigjioze.