Shqiperi,Kosove - Tash Me AFER

Sot u hap zyrtarisht njërit krah i autostradës Durrës - Kukës - Morin

Sot (e diel), pas shpimit të centimetrave të fundit të tunelit të Kalimashit, zyrtarisht është hapur njëri krah i autostradës Durrës-Kukës-Morin. Diç pas orës 12:00 kryeministrat e Kosovës dhe Shqipërisë, Hashim Thaçi e Sali Berisha, janë përqafuar në mesin e tunelit, ndërkohë që kryeministri i Shqipërisë ka përshkruar rrugën, duke hyrë në tunel nga Thirra, ndërsa kryeministri i Kosovës ka përshkruar tunelin duke hyrë nga ana tjetër, Kukësi.
Për ta përcjellur nga afër këtë ngjarje të madhe historike, sot në Kalimash kishin ardhur edhe shumë qytetarë nga Kosova dhe Shqipëria duke krijuar një atmosferë vërtetë festive.
Një pllakat i madh, i vendosur nën flamujt e Kosovës dhe Shqipërisë, është vënë mbi tunel në të cilën shkruan “Përgjithmonë”. Pritet që kryeministrat, Hashim Thaçi dhe Sali Berisha do të mbajnë para tunelit një konferencë të përbashkët për media.