Noçja: Adela dhe Bjordi çift pa lidhje

Njëra nga banoret më të famshme të edicionit të parë të "Big Brother Albania", Noçja, e ka quajtur çiftin e famshëm të edicionit të dytë të shout real, Adelën dhe Bjordin- "çift pa lidhje", shkruan revista "Albaniac".
Për më shumë, Noçja ka thënë se është penduar që ka marrë pjesë në “Big Brother”, pasi që nuk ndjehet rehat nga njerëzit përreth saj.

Ngjashëm sikurse Adela dhe Bjordi në edicionin e dytë, Noçja dhe Olsi ishin çifti më i famshëm i edicionit të parë të “Big Brother”, mirëpo lidhja e tyre ka marrë fund dhe për këtë ajo fajëson karakterin e Olsit, i cili “është tip neglizhent” dhe njerëzit e tillë ajo i ka bezdi.