Adela dhe Bjordi në një serial televiziv

Sipas burimeve të "Panorama Plus", çifti i famshëm nga edicioni i dytë i "Big Brother Albania", Adela dhe Bjordi, do të angazhohen në një serial televiziv të cilin është duke e përgatitur "Top Channel" dhe pritet ta lansojë në sezonin e ri televiziv.
Protagonistë të rëndësishëm të serialit do të jenë pikërisht Bjordi dhe Adela, të cilët thuhet se e kanë marrë me shumë qejf këtë projekt.

Bëhet fjalë për një serial humoristik, xhirimet e të cilit do të realizohen në ambientet e shtëpisë së famshme “Big Brother”, ku ata kaluan plot 100 ditë aty, me shumë tension, ankth, dashuri dhe lojë të vështirë, ashtu siç e kanë shprehur vetë pasi kanë dalë nga shtëpia.