Dy çmime për Blerinën në Dunav Stars

Këngëtarja kosovare, Blerina Kastrati, ka fituar çmimin e katërt në Festivalin Ndërkombëtar të Këngëtarëve të Rinj "Dunav Stars", i cili është mbajtur në Silistra të Bullgarisë, njofton KTV.
Kastrati në këtë festival po ashtu është shpërblyer me çmimin e qytetit të Silistrës, i cili i është ndarë nga kryetari i kësaj komune bullgare. Në skenën e festivalit “Dunav Stars”, në të cilin pjesëmarrësit kanë kënduar drejtpërdrejtë, këngëtarja kosovare është ngjitur në skenë me tri këngë.

Veç këngës së saj “Anonim”, ajo ka kënduar “Valsi i lumturisë” dhe “Son of a preacher man”. Kastrati është radhitur në mesin e fituesve pas Bullgarisë, të cilës i kanë takuar dy vendet e para dhe Gjermanisë që është radhitur në vendin e tretë.