Në Deçan sulmohet me gurë eskorta e kryeministrit Thaçi.

Eskorta e liderit të PDK-së dhe kryeministrit Hashim Thaçi është sulmuar me gurë pas përmbylljes së tubimit parazgjedhor në Deçan, ndërkaq janë dëgjuar edhe të shtëna me armë. Siç njofton gazetari i RTK-së Ngadhnjim Kastrati incidenti ndodhi menjëherë pas daljes nga salla e Shtëpisë së kulturës në Deçan.

Ndërkohë forca të mëdha të sigurisë e kanë përcjellur kryeministrin derisa kaloi Deçanin. Burime të RTK-së bëjnë të ditur se janë dëmtuar veturat e eskortës së kryeministrit Thaçi, ndërsa eskorta ka vazhduar rrugën për në Gjakovë ku po mbahet tubimi përmbyllës i PDK-së.