Sot fillon vaksinimi kundër virusit AN1H1

Sot pritet të fillojë vaksinimi kundër virusit AN1H1, meqë vaksinat kundër gripit të derrit donacion nga Turqia, tashmë kanë arritur, ndërsa vaksinat e dhuruara nga Organizata Botërore e Shëndetësisë pritet të vijnë në fillim të muajit dhjetor.
Zëdhënësi për informim i MSH së, Faik Hoti, ka thënë se fillimisht do të vaksinohet personeli mjekësor në Klinikën Infektive, Emergjencë dhe në Klinikën e Gjinekologjisë.

Ndërkohë në Klinikën Infektive të QKUK së po trajtohen 16 pacientë të infektuar me virusin A/H1N1, dy prej tyre janë në gjendje të rëndë, por jashtë rrezikut për jetë, ka thënë Dr. Sali Ahmeti, infektolog.

Mjekët apelojnë të qytetarët, nëse vërejnë shenja të gripit, qoftë edhe atij sezonal, që të paraqiten sa me parë të mjeku më i afërt.

Që nga paraqitja e rastit të parë të infektuar me këtë virus në muajin korrik të këtij viti, në Kosovë janë shënuar dy raste të vdekjes, ndërsa numri i të infektuarve deri tani ka arritur në 80.