Del Bosque: T’i mbajmë sytë hapur

Përpiqet të qëndrojë me këmbë në tokë edhe pas fitores, që e kaloi ekipin e tij në finale. Trajneri i Spanjës, Vicente del Bosque përgëzoi mesfushën për mposhtjen e gjermanëve, ndërkohë që theksoi se skuadra duhet t’i mbajë sytë hapur dhe të mos verbohet nga suksesi, pasi e pret finalja kundër Holandës.

“E di çdo të thotë të jesh në finale, Spanja e meriton të renditet në krye të të gjitha ekipeve. Ndeshja e radhës do të jetë e vështirë, pasi Holanda ka paralajmëruar futboll të bukur dhe kërkon fitoren e Kupës së Botës, ashtu si ne”, tha Del Bosque.

Trajneri i Spanjës shtoi se Holanda paraqet mirë vlerat e futbollit holandez dhe do të jetë një kundërshtare e fortë.