Werderi i hapur për oferta për Oezilin

Bremen, 19 korrik - Werder Bremeni është i gatshëm të dëgjojë ofertat për reprezentuesin gjerman Mesut Oezil. Këtë e ka thënë drejtori sportiv i klubit Klaus Allofs, shkruan agjencia e lajmeve "SID". Oezil 21-vjeçar nuk ka vazhduar kontratën me Werderin dhe ai po kërkohet nga ekipet më të mëdha evropiane, përfshirë këtu edhe Real Madridin. "Unë mund të imagjinoj që në vitet e ardhshme apo para përfundimit të afatit kalimtar, një skuadër apo edhe më shumë do të bëjë ofertë. Duhet të dëgjojmë ato oferta nëse ajo është që dëshirojnë Mesuti dhe këshilltarët e tij", ka thënë Allofs.