Maradona politikan?!

E ardhmja e Diego Maradonës mbetet çështja më e diskutuar në Argjentinë, ndonëse pas eliminimit nga Botërori 2010, e vetmja deklaratë që ai bëri ishte, “Koha ime ka mbaruar, nuk kam çfarë të japë më tepër”.

Por zyrtarisht Maradona vazhdon të jetë trajner i Argjentinës. Këtë e pohon edhe vetë presidenti i Federatës së Futbollit, Julio Grondona, i cili tha se Maradona është i vetmi argjentinas, që mund të vendosë lirisht se çfarë dëshiron të bëjë.

Thashethemet në vendin amerikano jugor kanë nisur të përhapen me shpejtësi dhe të ndryshme janë ato. Përflitet se Maradona e ka përjetuar aq keq humbjen 4-0 me Gjermaninë, sa ka rënë në depresion. Ndërsa sipas një hipoteze tjetër, legjenda e futbollit mund të angazhohet në politikë.

Bashkëshorti i presidentes së Argjentinës, Nestor Kirchner, i cili edhe vetë ka qënë president mendohet se do të garojë sërish për këtë post dhe si zëvendës të tij thuhet se ka zgjedhur mjeshtrin e futbollit, Diego Maradona. Por analistët politikë në Argjentinë thanë se këto fjalë janë përhapur nga kundërshtarët e presidentes, Cristina Kirchner