Maradona i interesuar për Aston Villan

Buenos Aires, 16 gusht - Diego Maradona është i interesuar të stërvitë Aston Villan. Pohimi ka ardhur nga agjenti i tij, Walter Soriano.
“Maradona dëshiron të transferohet në Angli dhe të bëhet trajneri i Aston Villas. I pëlqen shumë klubi anglez dhe mënyra se si jetohet në atë vend”, është shprehur Soriano.

“Do të ishte shumë i lumtur të stërviste një klub të madh si Aston Villa”, shtoi ai.

Ekipi është pa trajner që kur tekniku Martin O'Neill ka lënë detyrën javën e shkuar.
Përveç Maradonës, si kandidatë për trajnerë të ri të Aston Villas, mediet angleze kanë përmendur holandezin Martin Jol, suedezin Sven Goran Ericsson dhe amerikanin Bob Bradley.