Ibrahimoviq nuk largohet nga Barcelona

Barcelonë, 18 korrik - Sulmuesi i Barcelonës, Zlatan Ibrahimoviq u ka dhënë fund spekulimeve që e lidhnin me një kalim në Chelsea apo në Manchester City duke thënë se dëshiron të qëndrojë në "Camp Nou", përcjell të shtunën gazeta "Sport". Pas ardhjes së David Villas në "Camp Nou" nga Valencia, e ardhmja e Ibrës në Barcelonë ishte e dyshimtë. "Unë kam qenë lojtar i Barcelonës kur shkova në pushime, por edhe pasi të kthehem do të jem lojtar i Barçës. Unë kam kontratë edhe për katër vite të tjera", ka thënë sulmuesi suedez me origjinë boshnjake, Ibrahimoviq.