Çka ofron Tuna po të zgjidhej presidente e Kosovës

Pavarësisht faktit se artistët e estradës janë të angazhuar në profesionin e tyre, ata ndikohen edhe nga zhvillimet politike.

Kështu, këngëtarja nga Maqedonia, Altuna Sejdiu, e cila tashti është nuse e Prishtinës, ka menduar të bëjë një zgjidhje për situatën politike në Kosove, pas dorëheqjes së presidentit Sejdiu.

Tuna ka shpallur kandidaturën e saj për president dhe nëpërmjet faqes se saj në Facebook para pak ditësh iu ka prezantuar fansave të saj premtimet e fushatës presidenciale.

Këngëtarja ka treguar se cilat do të ishin ndryshimet që ajo do të sillte sikur të vinte në pushtet.

Tuna, seriozisht apo jo, i kishte kushtuar shumë kohë këtij plani presidencial, i cili përbëhet nga 14 pika!

Plani i publikuar nga 'SH2' fillon kështu: ''Unë Tuna, sot publikoj programin tim për të konkurruar si presidente e shtetit të Kosovës. Nëse votoni për mua, qytetarëve do t’u ofroj këto kënaqësi:

1) Ligjin mos me punësu gazetarë jokompetentë dhe gazetarë që shkallën e inteligjencës mundesh me ua mat me shkallë të Rihterit!

2) Mi ndjek penalisht, nëse publikojnë nëpër media llafe t’kanagjegjave.
...
11) Me i legalizu shtëpitë publike, pasi që osht në favor të popullatës në krejt mënyrat. Me aktin e legalizimit bijn çmimet edhe osht e kapshme për secilin idiot me pagu. Në këtë mënyrë i hjeket nervoza, frustracionet, jon ma t'respektueshëm, ulet numri i dhunimeve, flejn ma mirë!

Këto janë disa nga ndryshimet që do t’i bënte Tuna, ndersa në një tjetër pikë këngëtarja do të legalizonte marihuanën.

Gjithsesi, ky është edhe një ironizim nga ana e Tunës , e cila gjatë javës së kaluar ironizoi edhe gazetarët, të cilët shkruajnë të pavërteta për të, pas titujve të fundit që e pandehnin Tunën si lesbike.