Ferguson: Giggs i jashtëzakonshëm

Menaxheri i Manchester United, Sir Alex Ferguson, ka lavdëruar mesfushorin Ryan Giggs pas fitores së mbrëmshme ndaj Chelseat.
Giggs ishte kreator i të dy golave të United në takimin e zhvilluar në Old Trafford, njërin të shënuar nga Javier Hernandez - Chicharito dhe tjetrin nga Ji-Sung Park, ndërsa po ashtu ishte asistues edhe në golin e javës së kaluar në Stamford Bridge, të shënuar nga Wayne Rooney.

“Ai është i jashtëzakonshëm, një person dhe lojtar unik. Është një kontribut i madh dhe përvoja dhe vetëpërmbajtja e tij ishin vitale. Ai është me fat me fizikun trupor, ai kurrë nuk ka lëvizur nga pesha dhe ka një ekuilibër fantastik. Ai kujdeset për veten. Të luash në moshën 37 vjeçare duhet të jetë një sakrificë e madhe për të bërë atë”, ka thënë Ferguson.