Mihria paralajmëron “hitin e radhës”

Kanë mbetur vetëm edhe disa ditë që këngëtarja e njohur Mihrie Braha do të sjellë në treg këngë me titull “Inati”, të cilën e ka realizuar bashkë me këngëtarin Labinot Rexha.
“Sapo kemi realizuar një këngë mjaftë të bukur me këngëtarin Labinot Rexha, e cila këngë kam përshtypjen se do të jetë një hit i radhës. Kënga në fjalë nënkupton një dashuri ku inati është i pranishëm në mes çiftit dhe në këtë rast bëhet fjalë për inatin. Por kuptohet që femra është ajo e cila inatin e shpreh më lirshëm se sa mashkulli. Pra është një tekst që do t’iu pëlqejë të gjithëve”, ka thënë këngëtarja për Zëri.

Bëhet e ditur se kënga do të lansohet bashkë me videoklipin, të cilin Mihria dhe Labinoti janë duke e përgatitur në Tiranë.